你的報名時間尚餘:

犀牛角真係無藥用價值!

 

不少人都視犀牛角 為靈丹妙藥,甚至視擁有犀牛角為高貴嘅象徵。但其實犀牛角並無任何嘅藥用價值,人類嘅不斷捕殺亦令到犀牛成為瀕臨絕種動物 。

犀牛角並唔係骨頭,佢嘅主要成份同頭髮或指甲差唔多,主要由角蛋白(Keratin)所組成,姐係話進食犀牛角嘅功效同進食頭髮或指甲理論上係一樣嘅。

 

 

迷思:咁點解中國以至世界各地嘅早期文明都指犀牛角有一定嘅作用呢?

事實上,最早期中國或西方都會用犀牛角造成嘅水杯來測試水中是否有毒。原來當犀牛角中嘅角蛋白接觸到強鹼如生物鹼(Alkaloid)嘅時候就會產生化學反應,無獨有偶,含有生物鹼嘅嘢好大機會都有毒,所以古人先會有用犀牛角作驗毒之用。

 

 

但由於盜獵者為咗可以取得完整嘅犀牛角,會先以槍械或者藥劑令犀牛無法動彈,再以斧頭將角連同犀牛鼻竇上方嘅骨頭一次過斬落嚟,導致犀牛失血過多或者不斷吸入自己鼻竇嘅血窒息而死。由於盜獵嘅緣故,犀牛嘅數量亦急劇下降,使犀牛成為國際上重點保護嘅瀕危野生動物,全球僅餘5000隻,其中更有部分犀牛亞種例如北非白犀牛經已列為「功能性滅絕」,表示再沒有個體可以繁衍下一代。