你的報名時間尚餘:
  • 生物改學名有咩規則?

生物改學名有咩規則?

 

唔知大家有無留意動物園入邊嘅動物介紹牌上面會有一個好長嘅學名,但係讀極都讀唔到個字,到底呢啲名係點改出黎㗎?

 

生物學名嘅命名使用一種叫「二名法」嘅方式產生,名入面會包含生物嘅屬名同品種名,語言大多係拉丁文同古希臘文。點解改學名要用拉丁文?因為佢唔係任何國家嘅法定語言,用拉丁文改名可以避免有偏頗任何一個國家,係改名嘅過程唔會侵犯任何一個國家或者人民。

 

生物學名入面嘅意思可以係生物嘅外貌、特徵,例如樹熊嘅學名係 Phascolarctos cinereus,意思係「有袋嘅灰色生物」;亦都可以係發現生物嗰個人嘅名或者生物唯一出現嘅地區,例如Paramesotriton hongkongensis 就係香港瘰螈,由於只能夠係香港搵到呢個品種,佢嘅學名就有 ”hongkong” 呢個字喇!

 

 

既然命名咁有趣,不如我地都一齊睇下唔同嘅學名,睇下估唔估到係咩動物嘅學名呀?

1) Enteroctopus megalocyathus
entero-係新拉丁文嘅意思係「腸臟」,而octo-係「八」;mega-意思係巨大,cyathus係一個來自古希臘文字嘅拉丁文,意思係「杯」。

2) Ailuropoda melanoleuca
新拉丁文ailuro-來自希臘文ailouros,意思係「貓」;melano-係希臘文係「黑」,而leukos係「白」。

 

 

 

 

開估喇!你又估得啱唔啱?

1) 一種巨型八爪魚 (活躍係智利同阿根廷海岸)

2) 熊貓